Datganiad o Genhadaeth
Mae'r Ysgol Eglwys hon yn lle cenhadol sy'n tystiolaethu i'r Efengyl.
- lle mae Iesu Grist yn sylfaen;
- lle mae pob unigolyn yn gydradd o ran gwerth ac yn cael cyfle i dyfu a datblygu i'w lawn botensial;
- lle mae athrawon, staff, llywodraethwyr a rhieni wedi ymrwymo i gefnogi addysg a datblygiad yr unigolyn cyfan;
- lle mae'r chwilio am ddysg yn mynd law yn llaw ag ymchwil i ffydd a thaith o brofiad ysbrydol;
...fel bod...
- pob plentyn yn gallu dysgu am gyfoeth y byd creedig, a dal ar bob cyfle i gyfrannu ato mewn bywyd
- pob aelod o'r staff yn gallu cael eu meithrin yn eu galwedigaeth i addysgu
- pob cyrhaeddiad yn cael ei ddathlu a phob methiant yn cael ei faddau
- pob unigolyn yn yr ysgol yn cael gwybod ei fod wedi ei greu ar lun a delw Duw ei hun
Dylai pob ysgol fod yn lle arbennig, yn lle diogel, yn lle i ddysgu, yn lle o feithrin ac ymchwil. Rhaid i ysgol ddangos didwylledd a derbyniaeth, goddefgarwch a maddeuant. Ynddi, bydd gwerthoedd ac agweddau yn cael eu creu a bydd pob unigolyn yn cael ei ddathlu fel rhywun unigryw.
Mae Ysgol Eglwys yn ymgorfforiad o'r holl bethau hyn, ond mae hi hefyd yn datblygu cymeriad Cristnogol neilltuol trwy ei haddysg grefyddol, ei chydaddoli a'i hethos, sy'n gwneud cariad a phresenoldeb Duw yn hysbys i'r byd.
Y Parchedicaf Peter Smith
Archesgob Caerdydd
Y Parchedicaf Barry Morgan
Archesgob Cymru